झार्लाङमा जोन सुनुवार माथी गोली प्रहार,अबस्था चिन्ताजनक

धादिङ माघ २०, धादिङको विकट उत्तरी क्षेत्रमा रहेको झार्लाङमा गएराती गोली चलेको छ । बृटिस संस्था कादुरीको सहयोगमा झार्लाङमा निर्माण भइरहेको खानेपानी योजनाका फिल्ड सुपरझाइजर जोन सुनुवार माथी गएराती गोली प्रहार भएको हो । १०र१२  जनाको समूहमा आएको एक समूहले सुनुवारमाथी आक्रमण गरी उहाँसंग रहेको खानेपानी योजनाको रकम समेत लुटपाट गरेको छ ।

छाती र कन्चेटमा गोली  लागेका सुनुवारको अबस्था चिन्ताजनक रहेको र उपचारकोलागि पोखराबाट हेलिकप्टेर बोलाएर अस्पताल लाने तयारी भइरहेको बताइएको छ । संस्थाका स्थानीय  स्पोन्सर लापा ९ का जितबहादुर गुरुङको साथबाट पनि योजनाको रकम लुटपाट भएको छ । उक्त समूहले री गाउँ विकास समितिका दुईजना महिलाको गरगहना समेत लुटेका छन् । घटना स्थलमा प्रहरि समेत नपुगेकाले अहिले सम्म सो समूहको पहिचान हुन नसकेको झार्लाङबाट समिकरण सींखडाले जानकारी दिनुभएको छ ।