साततले दरबार अब नुवाकोट सङ्ग्राहलय

रामहरि गजुरेल नुवाकोट, माघ १२ गते ।
पर्यटन वर्ष २०११ लाई लक्षित गरि नेपालकै ऐतिहासिक महत्व बोकेको नुवाकोटको साततले दरबारलाई राष्ट्रिय संग्रहालय बनाइने भएको छ । चार वर्षदेखि पर्यटक र सर्वसाधारणका लागि बन्द गरिएको नवाकोट दरबारलाई राष्ट्रिय संग्राहलयको रुपमा सञ्चालन गर्न लागिएको हो । गणतन्त्रको घोषणा संगै गृह मन्त्रालयको आदेशमा बन्द भएको सो दरवार नुवाकोट सङ्ग्राहलय घोषणा गरी पुस १५ गतेदेखि सर्वसाधारणका लागि खुल्ला गर्ने तयारीसमेत भैरहेको छ ।

चालक र बसलाई फुलमालाले स्वागत

रामहरि गजुरेल नुवाकोट, माघ ५ गते 

भौगोलिक रुपमा विकट मानिएको नुवाकोटको शिखरवेसी गाविसका स्थानिय युवाहरुले आफ्नै लगानी र सक्रियतामा मोटरबाटो निर्माण गरि गाउँमा बस पुर्‍याएका छन् । मोटरबाटो निर्माणपछि पहिलोपटक गाउँमा पुगेको बस र चालकलाई स्थानीयवासीले फुलमाला, बाजागाजा र अविरले स्वागत गरेका छन् ।
 शिखरवेशी गाविस वडा नं. ५ मिश्रभन्ज्याङदेखि काफ्ले-चनौटे-लप्सीमुहान हुँदै शिखरवेशी गाविसकै वडा नं. ६ कुवाचौरसम्म तीन किलोमिटर लामो मोटरबाटो निर्माण भएको हो ।

स्पेनको बुल फाइटु सम्झाउने, तारुका गाउँको गोरुजुधाइ

कपिलदेव खनाल

स्टार स्पोर्टस, टेन स्पोर्टसलगायतका विदेशी खेलकुद टेलिभिजन च्यानलहरूमा स्पेनको राष्ट्रिय खेल बुल फाइटु हेर्दै आएका नेपालीलाई नेपालमा पनि हरेक वर्ष साँढे -गोरु० जुधाई प्रतियोगिता हुन्छभन्दा अचम्म लाग्नसक्छ ।

नुवाकोट तारुका माघ २ हिजो /

गाउँका अजङ्ग साँढेहरू जम्मा पारेर बाजी थाप्दै जुधाइने यो प्रतियोगितालाई नुवाकोट जिल्लाको तारुका गाउँ विकास समितिले सय वर्षभन्दा लामो समयदेखि निरन्तर आयोजना गर्दै आइरहेको छ ।

बझाङ्गी राजा जयपृथ्वीबहादुर सिंह वि.स. १९७८ सालमा नुवाकोटको तारुका-५ चन्दनीस्थित मामाघर आउँदा भानिजलाई मनोरञ्जन दिन उनका मावलीले बाजागाजासहित साँढे जुधाउने परम्परा आयोजना गराएका थिए । यही परम्परा अन्ततः वरपरको गाँउलेहरूको लागि पनि मनोरञ्जनको माध्यम र खेल जात्रा बनेको हो ।

संविधानमा प्रेस स्वतन्त्रता र पेशागत

रामहरि गजुरेल विदुर, पुस २६ गते ।

देशमा घोषित मितिमै नयाँ संविधान निर्माण गरिनर्ुपर्ने र त्यसमा प्रेस स्वतन्त्रता र पेशागत सुरक्षाको अनिवार्य उल्लेख गरिनुपर्ने सरोकारवालाहरुले माग गरेका छन् । देशमा पछिल्लो समय दण्डहिनता बढ्दै गएको र यसले पूण प्रेस स्वतन्त्रता प्राप्त हुन नसकेको जनाउँदै नयाँ संविधानको प्रस्तावनामै पूण प्रेस स्वतन्त्रता र पेशागत सुरक्षा उल्लेख गरिनुपर्न प्रेस चौतारीद्वारा सोमबार नुवाकोटको विदुरमा आयोजित कार्यक्रममा सहभागीहरुले वताएका हुन् ।