चितवनमा ६ सय १ सभासदको श्राद्ध

माघ १२ गते / संविधानसभालाई भत्ता खाने थलो बनाएको भन्दै बर्दियाका ३८ वर्षीय राकेश कुमार शर्माले चितवनको नारायणगढमा आज विहान सभासदहरुको श्राद्ध गर्नुभएको छ । चितवनको पुल्चोकमा विहान ९ वजे पण्डीत राखेर शर्माले विधीबत रुपमै ६ सय १ सभासदको श्राद्ध गर्नुभएको हो
जनताहरुबाट उठाएको राजस्व सही ढगबाट प्रयोग नगरी नेताहरुले देशलाइ र्बबादीको दिशातर्फ धकेलेको र अबैधानिक तवरबाट संविधानसभाको म्याद बढाएको भन्दै आफुले ६ सय १ सभासदको श्राद्ध गरेको शर्माले बताउनु भयो ।

सो अवसरमा उपस्थित सर्वसाधरणले शर्माले सडकमै गरेको श्राद्ध प्रति समर्थन जनाएका थिए । शर्माले आगामी जेष्ठ १२ गते संविधानसभा भवनको ३ नम्मर गेटमा समेत सभासदहरुको श्राद्ध गर्ने बताउनु भएको छ ।