चार बर्षअघि नेपाल आएको राष्ट्रसंघीय अनमिन फिर्ता हुदै छ ।

माघ १ गते / शान्ति प्रक्रियामा सहयोग पुर्‍याउन चार बर्षअघि नेपाल आएको राष्ट्रसंघीय राजनीतिक मिसन अनमिन आज मध्य राती फिर्ता हुदै छ । आज सार्वजनिक विदा परेका कारण हिजै औपचारिक रुपमा कार्यकाल समाप्त गरेको अनमिनले आज अनुगमन सम्वन्धी सवै प्रकृयाको अन्त्य गरेर विदा हुन लागेको हो । अनमिन नेपालबाट फिर्ता भएको घोषणासँगै अनमिन प्रमुख करिन ल्याण्डग्रेनले हिजो बेलुका पाँच बजे अनमिन मुख्यालयबाट अनमिनको झण्डा झार्नु भएको थियो ।  प्रधानमन्त्री माधव कुमार नेपाल र अनमिन प्रमुख करिन ल्यान ग्रेन विच अहिले केहि वेरमा विदाइ भेटबार्ता समेत हुदै छ । विदाई सम्वन्धी सम्पर्ण प्रकृया सकिएकाले उहाँहरुविच हिजोमात्रै एकिकृत माओवादी र सरकार विच भएको ३ बुदे सहमतिका विषयमा छलफल हुने छ ।
सेना तथा हतियार व्यवस्थापनकालागि अनमिनले प्रयोग गरिरहेका विभिन्न सामानहरु नेपाल सरकारलाई छोडेर जान सरकारले अनमिनलाई आग्रह गर्ने श्रोतको भनाइ छ ।

तत्कालीन बिद्रोही नेकपा माओवादी शान्तिप्रक्रियामा आएपछि सरकार र माओवादीको संयुक्त आग्रहमा नेपाली सेना, जनमुक्ति सेना, उनीहरुका हतियार रेखदेख तथा संविधानसभा निर्बाचनको अनुगमन गर्न अनमिनको स्थापना भएको थियो ।
अनमिनको अनुगमनमा संविधानसभा सफल भएपनि शान्ती प्रकृयालाई निस्कर्षा पुर्‍याउने काम भने अधुरै रहेको छ । राजनीतिक सहमतिमा अनमिनको म्याद पटक पटक गरि ७ पटक सम्म थपिएको थियो ।