नारनको ब्लग

२०५२ साल फागुन १ गतेबाट सुरुभएको जनयुुद्ध दवाउन तात्कालिन सरकारले जताभावी धर पकड गर्ने क्रममा गोरखाका एक शिक्षक वीर वहादुुर गुुरुङलाई अध्यापन गराई रहेको अवस्थामा गिरफ्तारी गर्न लाग्दा सम्पूर्ण विद्यार्थी शिक्षक, अभिभावकहरुले प्रतिरोध गरे पछि प्रहरीले अन्धाधुुन्ध गोली चलायो । जुन गोलीको लागी ०५२ साल

फागुन १४ गते  स्कुले वालक दिबहादर रम्तेलले शहादत प्राप्त गरे ।  झापाबाट जेल सार्नेनाममा पञ्चयती शासकले ०२८ साल फगुन २१ गते नेत्र घिमिरे, वीरेन राज वंसी, नारायण श्रेष्ठ, कृष्ण कुँइकेल,रामनाथ दाहाललाई इलामको सुखानी स्थित झाडीमा लगि हत्या गर्यो ।

 यहि विशेष दिन फागुन १४ गते देखि २१ गते सम्मलाई सहिद सप्ताहको रुपमा  एकिकृत नेकपा  माओवादीले मनाइ रहेको छ । सामन्तवाद र साम्राज्यवाद नामक दुई पहाडलाई भत्काएर नयाँ जनवाद र वैज्ञानिक समाजवाद हुँदै अन्ततः विश्व साम्यवादमा पुग्ने महान् लक्ष्यमा प्रतिबद्ध रही निरन्तर क्रान्तिमा हेलिदै अर्थात् महान् दश वर्षे जनयुद्धका अघि र १९ दिनकोक्रममा मात्र १० हजार भन्दा बढी नेपाली आमाका सर्वोत्तम छोराछोरीहरूले आफ्नो अमूल्य जीवनको आहुती दिएका थिए ।
 चर्चा यतिबेला जता ततै सहिद सप्ताहको छ । सहिद तथा वेपत्ता परिवार सदस्यहरु धमाधम सम्मानित हुने कार्यक्रममा सहभागी भैरहेका छन् । एकिकृत माओवादी अरु राजनैतिक दलहरु जस्तै संसदिय भासमा डुुब्दै छन् ।  उनीहरुलाई मोज मस्ती र सुखसयलमा दिन बिताउन थालि सके भन्नेहरुको जमात पनि अहिले सेलाएको छ । किनकी एकिकृत माओवादी यतिबेला  महान् शहीदहरूका सपनाहरू अधुरै छन् । नेपाली क्रान्ति सम्पन्न गर्ने काम पनि बाँकी नै छ । भन्दै शहीद तथा बेपत्ता परिवार सँग बिद्रोहको लागी तयार रहेको बताउदै आशिर्वाद लिइ रहेका छन् ।
इतिहासको अग्रगामी धारा रोक्ने फलामे किल्ला र हत्कण्डा तोड्न आफ्नो जीवन आहुती दिने महान सहिदहरु, नभएको भए बहुसंख्यक श्रमजीवीहरूले सास फेर्न पनि पाउँदैनथे । जसले संसारभरिकै श्रमजीवी जनताको मुक्तिको पक्षमा क्रान्ति गीत गाउँदै उनीहरूकै मुक्तिका लागि कुर्वानी गरेका थिए । अझैँ पनि तिनीहरूको सपना पूरा भइसकेको छैन । सहिदको सपना साकार गर्न  एकिकृत नेकपा माओवादीलाई जनताले संविधान सभाको निर्वाचनबाट सवै  भन्दा ठुलो दल पनि बनाई दिए ।अब सहिदहरको सना साकार पार्न माओवादी संसदीय भासमा अल्मलिन हुदैन । लक्ष्य सम्म पुुग्न हजारौ जनताका छोराछोरीले शहदात प्रप्त गरि सकेका छन् ।  एकीकृत माओवादी पालुुङटारको वैठकबाट  विचारधारात्मक संगठनात्मक र भावनात्मक रूपले पार्टी तथा जनतालाई एकताबद्ध पार्दै जुन जनविद्रोह मार्फत् नेपाली क्रान्ति सम्पन्न गर्ने प्रतिबद्धता जाहेर गरेको छ । यसलाई छिटो भन्दा छिटो कार्यान्वयन तर्फ  जाँदा मात्र सामन्तवाद र साम्राज्यवादलाई ढालेर नयाँ जनवादी क्रान्ति सम्पन्न गर्न सकिन्छ ।  तव मात्र  साम्यवाद सम्म पुग्ने ती अमर शहीदहरूको अधुरा सपना साकार तुल्याउन सकिन्छ । महान सहिदहरु अमर रहुन ।