सहिद विष्णु भट्ट स्मृति दिवस सम्पन्न

धादिङबेसी जेष्ठ २ गते  जनयुद्धको समयमा साहदत हुनु भएका विष्णु भट्टको स्मृती दिवसमा अखिल क्रान्तिकारीले आज त्रिपुरा सुन्दरी उच्च माध्यमिक विद्यालय खरीमा विविध कार्यक्रम सम्पन्न गरेको छ । सो अवसरमा आज विद्यालयमा शोकसभा समेत सम्पन्न भएको छ ।

कार्यक्रममा शहिद भट्टको स्मृतीमा शोक प्रस्ताव पारीत गरिएको छ । लोकबहादुर विश्वकर्माको अध्यक्षतामा भएको कार्यक्रममा विद्यार्थी लक्ष्मण तामाङको प्रमुख आतिथ्य रहेको थियो । सोहि अवसरमा विद्यलयमा साँस्कृतीक कार्यक्रम सहित विविध खेलकुद कार्यक्रम समेत सम्पन्न भएको छ । कार्यक्रममा म्युजिकल चेयर र भलिवल प्रतियोगिता सहित साँस्कृतीक प्रस्तुतीहरु समेत प्रस्तुत गरिएको खरीबाट इलेक्सन सुनुवारले जानकारी दिनुभएको छ ।